Лукашэнка запатрабаваў, каб Stadler прывёў у парадак "Белкамунмаш"
Прычым пачаць гэта трэба яшчэ да Новага года.
Кіраўнік Беларусі запатрабаваў навесці парадак на заводзе "Белкамунмаш". Пра гэта Аляксандр Лукашэнка заявіў 20 лістапада на ўрачыстым адкрыцці завода "Штадлер Мінск" у Фаніпалі.
"Было абяцана, што старая пляцоўка будзе развівацца, "Белкамунмаш "не застанецца на задворках гісторыі. Мне абяцалі, што завод будзе такім жа высокатэхналагічным, як Stadler Minsk. Я атрымліваю іншую інфармацыю. Можа, яна не зусім такая", — перадае tut.by словы кіраўніка Беларусі.
Лукашэнка даручыў да Новага года пачаць усе неабходныя меры па вырашэнні праблемы "Белкамунмаша". Займацца гэтым павінен як урад, так і кіраўніцтва Stadler. Адказнасць Лукашэнка ўсклаў на дырэктара кампаніі "Штадлер Мінск" Уладзіміра Караля. Уладальнік швейцарскай кампаніі Петэр Шпулер паабяцаў знайсці канкрэтнае рашэнне, якое задаволіць усе бакі.
Дарэчы, 30% супрацоўнікаў новага завода Stadler Minsk — гэта выхадцы з "Белкамунмаша".