Лукашэнка ў чацвер едзе на Брэстчыну
Кіраўнік Беларусі наведае Бярозаўскую ДРЭС і азнаёміцца з тым, як вядзецца яе мадэрнізацыя.
Бярозаўская ДРЭС — адна з найбуйнейшых электрастанцый Беларусі. Яна адказвае за цеплазабеспячэнне прамысловых прадпрыемстваў і жыллёва-камунальнага сектара Белаазёрска. У склад станцыі ўваходзіць сем энергаблокаў. Першы энергаблок уведзены ў эксплуатацыю ў снежні 1961 года, сёмы — у сакавіку 2014-га.
Аляксандр Лукашэнка азнаёміцца з вынікамі мадэрнізацыі і абсталяваннем энергаблока №5, працай і абсталяваннем энергаблока №7. Як паведамляе БЕЛТА, кіраўнік дзяржавы таксама паразмаўляе з працоўным калектывам Бярозаўскай ДРЭС.
Фота з архіву сайта president.gov.by
