Лукашэнка папрасіў падлічыць кантэйнеры для захоўвання нафты

Дакумент трапіў у сацсеткі і моцна азадачыў беларусаў: "Можа быць, Лукашэнка вырашыў палічыць кантэйнеры, каб закупляцца таннай нафтай на запас?"

21 сакавіка ў Палацы Незалежнасці кіраўнік Беларусі правёў нараду па рабоце нафтаперапрацоўчых прадпрыемстваў. Там ён заявіў, што Расія цалкам падтрымала прапанову Беларусі па пастаўках нафты.

31 сакавіка афіцыйны прадстаўнік кампаніі "Транснафта" Ігар Дзёмін паведаміў, што расійскія нафтавыя кампаніі падалі на красавік заяўкі на дастаўку ў Беларусь каля 1 млн тон нафты, хоць раней Лукашэнка неаднаразова заяўляў, што для загрузкі НПЗ Беларусі патрабуецца 2 млн тон у месяц.

Дагэтуль няма маршрутных даручэнняў на пастаўку нафты з Расіі. Па словах Дзёміна, у красавіку расійскія кампаніі плануюць паставіць 633 тысячы тон нафты на Мазырскі НПЗ і 375 тысяч тон — на наваполацкі "Нафтан".

Танкерныя пастаўкі нафты праз Клайпеду і Адэсу Беларусь таксама плануе захаваць.