Лукашэнка хоча, каб праваахоўнікі былі "народнымі людзьмі"
![Лукашэнка хоча, каб праваахоўнікі былі "народнымі людзьмі"](/sites/default/files/styles/gallery_main/public/2023-08/lukashenka-1102.jpg.webp?itok=IksGoeRn)
Наколькі эфектыўна працуюць праваахоўнікі, трэба ацэньваць па рэакцыі насельніцтва, а не па статыстыцы. Такое меркаванне выказаў Аляксандр Лукашэнка на пашыраным пасяджэнні калегіі Следчага камітэта.
Кіраўнік дзяржавы лічыць, што статыстыка адлюстроўвае вынік дзейнасці праваахоўнікаў і можа дапамагчы пры аналізе яе эфектыўнасці. Але галоўнае — гэта рэакцыя насельніцтва. Лукашэнка заявіў, што нам не патрэбная паказуха" і заклікаў праваахоўнікаў "проста быць народнымі людзьмі", перадае БЕЛТА.
Кіраўнік Беларусі запатрабаваў, каб міліцыі ды іншыя сілавыя структуры рабілі Ўсё неабходнае для павышэння свайго іміджу ў насельніцтва. Ён падкрэсліў, што трэба ўжываць усе формы і метады, каб даказаць, што праваахоўнікі носяць пагоны для абароны людзей.