Лукашэнка даручыў рыхтаваць праекты недарагіх басейнаў і спарткомплексаў
![Лукашэнка даручыў рыхтаваць праекты недарагіх басейнаў і спарткомплексаў](/sites/default/files/styles/gallery_main/public/2023-08/000019_693042_big.jpg.webp?itok=lBxFlCM0)
12 лістапада Аляксандр Лукашэнка наведаў новы шматфункцыянальны фізкультурна-аздараўленчы комплекс "Мандарын", які нядаўна з'явіўся ў Завадскім раёне сталіцы. Кіраўнік дзяржавы адзначыў, што за кошт дзяржаўных сродкаў было пабудавана дастаткова спартыўных палацаў, якія "каштуюць дорага, і, адпаведна, паслугі — дарагія, што людзі павінны разумець". На сённяшні дзень, лічыць Лукашэнка, трэба будаваць "танныя басейны і спартыўныя аб'екты".
Як паведамляе БЕЛТА, кіраўнік дзяржавы даручыў у бліжэйшы час падрыхтаваць такія праекты. "Усё павінна быць проста, танна, прыгожа і якасна", — сказаў Аляксандр Лукашэнка. Ён падкрэсліў, што якасць мусіць быць галоўным фактарам.
Фота: БЕЛТА
![Лукашэнка даручыў рыхтаваць праекты недарагіх басейнаў і спарткомплексаў](/sites/default/files/paragraphs/image/000019946310big_0.jpg)