“Ледаколка Ціханоўская”: якія таямніцы ёсць у кнізе пра яе — стрым

Кнігу са шматабяцальнай і інтрыгуючай назвай “Ледаколка Святлана Ціханоўская” (“Lodołamaczka Swiatłana Cichanouska”) выдаў журналіст польскай газеты Rzeczpospolita Руслан Шошын. З назвы становіцца зразумелым, што прысвечаная кніга не толькі Святлане Ціханоўскай, але ў значнай ступені беларускім пратэстам 2020 года. Хоць бы таму, што без гэтых пратэстаў і ўсіх астатніх падзей не было б і той Ціханоўскай, пра якую варта напісаць кнігу.

Што падштурхнула польскага журналіста да напісання кнігі, прысвечанай Ціханоўскай? Якім чынам збіраўся матэрыял і ці ёсць у кнізе факты, дагэтуль невядомыя грамадскасці?  Ці ёсць цікавасць сёння да беларускіх пратэстаў і кнігі, ім прысвечанай? На гэтыя ды іншыя пытанні адказвае аўтар кнігі “Lodołamaczka Swiatłana Cichanouska” журналіст газеты Rzeczpospolita Руслан Шошын.