Led Zeppelin могуць уз'яднацца, але пазней

Вакаліст Led Zeppelin Роберт Плант паставіў абверг чуткі пра магчымы сусветны рэюніян-тур легендарнай каманды.  Але падчас інтэрв'ю выданню Uncut 59-гадовы музыка дадаў, што не выключае магчымасці яшчэ аднаго «адзінкавага» ўз'яднання Led Zeppelin. Праўда, здарыцца гэта можа ў адзіным выпадку: калі падвярнецца сур'ёзная прычына і будуць спрыяць абставіны.

Нагадаю, што 10 снежня Led Zeppelin упершыню за 27 гадоў выйшлі на сцэну разам, каб ушанаваць памяць прадзюсара Ахмэта Эртэгана, які ў канцы 60-х паўплываў на ператварэнне маладога гурта ў сапраўдных дыназаўраў року.

Канцэрт мінуў з вялікім поспехам, што прымусіла музыкаў задумацца пра правядзенне дадатковых канцэртаў.

Нагадаю, што зараз Роберт Плант заняты сваім сольным праектам: музыка рыхтуецца да правядзення турнэ ў падтрымку леташняга альбома «Raising Sand», запісанага ў супрацоўніцтве з вядомай кантры-выканаўцай Элісан Крос.

Таму наступнае ўз'яднанне Led Zeppelin адкладаецца як мінімум да канца гэтага года.

Фота: www.therockrelic.com