Korn аб’явілі трэк-ліст новага альбома “Paradigm Shift”
У яго ўвойдуць 11 трэкаў. Пласцінка была запісаная пры ўдзеле былога гітарыста Браяна “Хэда” Уэлча, які пакінуў гурт 8 гадоў таму.
У свой час музыка моцна сядзеў на наркотыках. У 2005 узяўся за розум і падаўся ў рэлігію. У выніку “Хэд” здолеў пазбавіцца ад ўсіх “залежнасцяў”.
У 2009-м пайшлі чуткі, што Уэлч нібыта просіцца назад у Korn ці што менеджары гурта запрашаюць музыку вярнуцца. Праўда, для ўладжвання ўсіх канфліктаў і спрэчак (а Уэлч пакінуў гурт са скандалам) спатрэбілася некалькі гадоў. У 2012 музыка ўпершыню выступіў разам з Korn, а з мінулага траўня Уэлч — афіцыйны ўдзельнік гурта. Новая пласцінка, запісаная пры яго ўдзеле, спрадзюсаваная Донам Гілмарам, вядомым па працы з Bullet For My Valentine і Linkin Park. Рэліз дыску запланаваны на верасень.
Трэкліст:
"Prey For Me"
"Love & Meth"
"What We Do"
"Spike In My Veins"
"Mass Hysteria"
"Paranoid And Aroused"
"Never Never"
"Punishment Time"
"Lullaby For A Sadist"
"Victimized"
"It's All Wrong"
Фота: www.metalhammer.co.uk
