Кіроўца ў Дзяржынску аб'язджаў вожыка і ўрэзаўся ў жылы дом

Сур'ёзнае ДТЗ адбылося ў цэнтры Дзяржынска ў ноч з пятніцы на суботу, піша мясцовая газета "Узвышша" са спасылкай на ДАІ.

24-гадовы кіроўца "Kia Sportage" каля 2-й гадзіны ночы ехаў па вуліцы Савецкай. Хлопец кажа, што на дарозе ён нечакана заўважыў вожыка і паспрабаваў яго аб'ехаць. Аднак пры гэтым ён не справіўся з кіраваннем і выскачыў за межы праезнай часткі. 

Пазадарожнік пераскочыў праз бардзюр, пратараніў плот, зачапіў газавую трубу і ўрэзаўся ў прыватны жылы дом. На шчасце, сур'ёзна ў аварыі ніхто не пацярпеў.

Папярэдні тэст на алкаголь паказаў, што кіроўца быў цвярозы. Тым не менш яму былі прызначаныя дадатковыя даследаванні крыві.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.