Кіраўніка раёна Гомеля за перавышэнне ўлады асудзілі на мінімальны тэрмін
![Аляксандр Сівакоў](/sites/default/files/styles/gallery_main/public/2024-03/sivakou-2903.jpeg.webp?itok=SLFm64mp)
Аляксандр Сівакоў / gomeltv.by
У Гомелі асудзілі кіраўніка Чыгуначнага раёна горада Аляксандра Сівакова і ягоную намесніцу па эканамічных пытаннях Наталлю Жук, піша "Наша Ніва".
Іх затрымалі яшчэ на пачатку 2023 года проста на працоўных месцах. Сівакова і Жук вінавацілі ў перавышэнні ўлады ці службовых паўнамоцтваў (ч. 3 арт. 426 КК). Гэты артыкул прадугледжвае ад 3 да 10 гадоў зняволення.
Паводле "Нашай Нівы", Сівакоў і Жук атрымалі мінімальна магчымыя тэрміны — па 3 гады зняволення.
Аляксандр Сівакоў узначальваў адміністрацыю Чыгуначнага раёна Гомеля ў 2019-2023. Раней ён кіраваў дзяржаўным прадпрыемствам па ўтрыманні дарог "ГарСАП", а таксама быў дэпутатам Гомельскага гарсавета дэпутатаў і ўваходзіў у выбарчыя камісіі.
![Кіраўніка раёна Гомеля за перавышэнне ўлады асудзілі на мінімальны тэрмін](/sites/default/files/styles/default_image_paragraph/public/paragraphs/image/zuk-2904.jpg.webp?itok=MVVQzROz)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.