Кінафэст збірае грошы ў мінскіх кавярнях
Выпіўшы кавы ў пэўных кавярнях Мінску, наведнік аўтаматычна пералічвае 50 капеек на правядзенне фэсту Watch DOCs Belarus.
Дзясятак мінскіх кавярняў падтрымаў акцыю "Watch DOCs кава". Наведнік, які купіць там каву, аўтаматычна пералічвае 50 капеек у падтрымку фестывалю Watch DOCs Belarus. Самі бары таксама перададуць арганізатарам фэсту яшчэ 50 капеек за кожны выпіты кубак, піша citydog.by.
Міжнародны фестываль дакументальнага кіно Watch DOCs Belarus пройдзе ў Мінску з 15 па 18 снежня. Ён прысвячаецца правам чалавека. На фэсце паказваюць актуальную дакументалістыку. Летась фэст у Мінску адбыўся ўпершыню: тады ў галерэі TUT.BY і прасторы "ЦЭХ" бясплатна паказалі 17 фільмаў. Каб зрабіць фэст больш маштабным і захаваць магчымасць бясплатнага прагляду фільмаў, арганізатары абвясцілі адкрыты збор грошай.
Сёлета ў праграму фэсту ўвайшлі 15 фільмаў. Акрамя таго, будзе арганізаваная сустрэча з журналісткай The Guardian Холі Уэт, якая працавала з Панамскім архівам.
Сваю падтрымку фэсту выказа пастаўшчык кавы Coffee Life Roasters, а таксама бары "Чердак" (вул. Зыбіцкая, 9), "Хуліган" (вул. Кастрычніцкая, 16), кавярня Yard (вул. Якуба Коласа, 19) і перасоўныя кавярні Coffee Wanted. Тэматычную каву можна выпіць у "Мануфактуры" (вул. Карла Маркса, 17), Sorso di espresso (пр-т Незалежнасці, 111), Faces (пр-т Незалежнасці, 94) і сетцы Guru (зав. Міхайлаўскі, 4, вул. Карла Маркса, 17, вул. Камсамольская, 34 і пр-т Незалежнасці, 93). А вось у "Кальяннай №1" уся кава на гэты час атрымае статус Watch DOCs. Паўдзельнічаць у акцыі можна да 18 снежня.