Канец тыдня будзе ў Беларусі пераважна без ападкаў
Лета, ілюстрацыйнае фота / pixabay
У пятніцу, 14 жніўня, у Беларусі чакаецца пераменная воблачнасць, паведамляе Белгідрамет.
Будзе пераважна без ападкаў. Уначы і зранку месцамі будзе згушчацца слабы туман. Вецер чакаецца заходні, паўночна-заходні, уначы — слабы, удзень — умераны.
Тэрмометры ўначы пакажуць 5-10 вышэй за нуль, месцамі будзе не ніжэй +11...+13 градусаў. Удзень паветра прагрэецца да 20-26 градусаў цяпла.
У суботу, 15 жніўня, істотных ападкаў не чакаецца. Уначы і зранку месцамі згусціцца слабы туман. Вецер прагназуецца няўстойлівы слабы да ўмеранага. Тэрмометры ўначы пакажуць 8-15 градусаў цяпла, месцамі паветра астудзіцца да 5-7 градусаў вышэй за нуль. Удзень чакаецца ад +23 градусаў па паўночным усходзе да +30 па паўднёвым захадзе.
