Кадыраў згубіў мабільнік — уначы апыталі больш за тысячу чалавек

Пра гэта паведаміў сайт kavkaz-uzel.ru са спасылкай на Праваабарончы цэнтр "Мемарыял". 

16 жніўня ў Шалінскім раёне на ўсходзе Чачні адбылося адкрыццё этнаграфічнага комплексу "Шыра-Юрт", стылізаванага пад старажытны чачэнскі аул. На цырымоніі адкрыцця этнаграфічнага комплексу прысутнічаў і кіраўнік Чачні Рамзан Кадыраў. 

Перад святам ахова Кадырава старанна агледзела гасцей, а транспарт можна было паркаваць не бліжэй, чым за кіламетр ад месца правядзення свята. Да канца мерапрыемства стала вядома, што Рамзан Кадыраў згубіў тэлефон. 

Спярша тэлефон шукалі на месцы — абвясцілі праз узмацняльнік, апыталі прысутных. Калі госці раз'ехаліся па дамах, кіраўнікі адміністрацый сталі абзвоньваць адказных за правядзенне свята і высвятляць у іх імёны ўсіх удзельнікаў і запрошаных, інфармуюць праваабаронцы. Пасля гэтага ўначы ўдзельнікаў свята выклікалі і апытвалі. Большасць з іх змагла вярнуцца дадому толькі пад раніцу. Пра тое, ці знайшоў Рамзан Кадыраў свой ​​тэлефон, звестак дагэтуль няма. 

Фота — Reuters