Хэнлан забароніць Плату гаварыць у распранальні па-англійску
Натуралізаваны гулец "Дынама" мае вялікае жаданне граць за зборную і гатовы працаваць над сабой, упэўнены трэнер.
"Джэф Плат вельмі хоча выступаць у Беларускай зборнай, — каментуе Хэнлан. — Увогуле, я не вельмі добра стаўлюся да таго, што гульцы атрымліваюць пашпарты іншых краінаў. Але пасля таго, як я пагутарыў з ім, я зразумеў, што ён сапраўды гатовы гуляць".
Канадскі спецыяліст знаходзіцца ў Беларусі ўжо 16 дзён. Ён прызнаўся журналістам, што чатыры разы на тыдзень займаецца з настаўнікам рускай мовы, каб мець магчымасць камунікаваць з хакеістамі зборнай.
