Грузавік у Гродне збіў п'янага пешахода

У суботу, 9 сакавіка, у Гродне на вуліцы Панямуньскай адбылося ДТЗ, піша gaigrodno.by.

Па вуліцы з боку гаражнага кааператыву ехаў грузавік "Рэно". Ён збіў нецвярозага пешахода, які без флікераў ішоў па праезнай частцы.

Пакуль не ўдалося высветліць, у які бок рухаўся пацярпелы мужчына. 

У вельмі цяжкім стане яго змясцілі ў рэанімацыйнае аддзяленне лякарні. 

Праваахоўнікі пачалі крымінальную справу. Ідзе расследаванне.