Горад у Іспаніі на тыдзень прыме назву "Украіна" — як знак салідарнасці
Такое рашэнне прынялі гарадскія ўлады.
Іспанскі горад Фуэнтэс-дэ-Андалусія на тыдзень стане называцца "Украіна". Адпаведнае рашэнне прынялі гарадскія ўлады на знак салідарнасці з украінцамі, піша ўкраінская амбасада ў Іспаніі.
У горадзе жыве крыху больш за 7 тысяч чалавек. Ён знаходзіцца недалёка ад Севільі.
Дарэчы, гарадскі сцяг па колеры супадае з украінскім — жоўта-блакітны, толькі мае пасярэдзіне гарадскі герб.
Асноўныя вуліцы Фуэнтэс-дэ-Андалусіі на працягу тыдня таксама атрымаюць назвы ўкраінскіх гарадоў: Кіеў, Харкаў, Марыупаль, Херсон і Адэса.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.