Генпракуратура: "Кактэйлі Молатава" ў Адэсе кідалі абодва бакі
З такой заявай выступіў выканаўца абавязкаў генпракурора Украіны Алег Махніцкі.
Па яго словах, якія перадае censor.net.ua, "кактэйлі Молатава" ў Адэсе ў супрацьстаянні ля Дома прафсаюза кідалі як прадстаўнікі Майдана, так і Антымайдана. Генпракуратура прыцягне да расследавання замежных спецыялістаў.
Таксама Махніцкі распавёў, што загад адпусціць затрыманых у Адэсе сепаратыстаў даў начальнік гарадскога аддзела міліцыі па ўзгадненні з абласным начальнікам.
Ён пацвердзіў, што Генпракуратура расследуе дзеянні некалькіх дэпутатаў, звязаных з сепаратызмам, аднак назваць імёны адмовіўся.
Фота — kvedomosti.com
