Футбалісты брэсцкага "Дынама" на таварыскім матчы пабіліся са "Слованам"
Таварыскі матч брэсцкага "Дынама" супраць браціслаўскага "Слована" адзначыўся групавой бойкай, піша TUT.by.
Брэсцкія футбалісты знаходзяцца на зборах у Турцыі. 29 студзеня яны гулялі са "Слованам" і выйгралі з лікам 1:0. Адзіны гол у другой палове сустрэчы забіў Усевалад Садоўскі.
Пад канец гульні на полі пачалася групавая бойка. Дынамавец Сяргей Кісляк збіў з ног саперніка, які ў адказ стукнуў яго нагой. Падчас бойкі Павел Савіцкі зваліў на газон славака, Эліс Бакай схапіў праціўніка за горла. Разбараняць футбалістаў давялося суддзям і запасным гульцам камандаў.
Збор "Дынама" ў Турцыі працягнецца да 3 лютага. Брастаўчане ўжо згулялі ўнічыю з "Марыупалем" (2:2) і прайгралі кіеўскаму "Дынама" (0:3). Каманду яшчэ чакае сустрэча з самарскімі "Крыламі Саветаў".
Вот это да, да у нас настоящая заварушка! Стенка на стенку пошли команды после фола со стороны Кисляка. Хотя на первый взгляд никакой грубости там не было. Посмотрим, какие будут санкции судей. Пока целая толпа высыпала на поле, идут сложные дипломатические переговоры. #fcdb1960
— FC Dynamo Brest (@dynamobrest) January 29, 2020
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.
