Футбалістам "Нёмана" могуць зрэзаць заробкі
Пра гэта паведаміў старшыня праўлення гродзенскага футбольнага клуба Сяргей Сахарэвіч.
Нагадаем, што 21 верасня ў матчы з "Мінскам" гродзенцы збіраліся зладзіць 15-хвілінны страйк на пачатку сустрэчы. Прычынай стала тое, што некалькі месяцаў ім не плацяць заробкі.
У каментары "Прессболу" Сахарэвіч паведаміў, што бюджэт клуба залежыць ад паступленняў з прадпрыемстваў і арганізацый. Аднак яны не могуць выконваць свае фінансавыя абавязанні, бо проста не маюць грошай.
Па словах кіраўніка "Нёмана", паправіць фінансавы стан клуба за кошт продажу гульцоў зараз немагчыма — да іх не выказваюць цікавасці. Таму кіраўніцтва як адзін з варыянтаў разглядае змяншэнне заробкаў.
Фота — fc-fortuna.com
