Фінал конкурсу прыгажосці "Міс Беларусь" пройдзе сёння ў Мінску
Фіналісткі конкурсу / АНТ
Заключная частка конкурсу прыгажосці "Міс Беларусь" адбудзецца ў пятніцу ў сталічным Палацы спорту.
На званне самай прыгожай дзяўчыны краіны прэтэндавалі 130 беларусак з усіх рэгіёнаў краіны. Але ў фінал прайшлі толькі 29 дзяўчат.
У фінале яны прадэманструюць свае грацыю, талент і досціп. Конкурс пачнецца ў 18:30, яго будуць паказваць па дзяржканале.
Нацыянальны конкурс прыгажосці "Міс Беларусь" праходзіць 12-ты раз. Фіналістка прадставіць рэспубліку на конкурсе "Міс Свету", які адбудзецца ў снежні ў Пуэрта-Рыка.
