Федэрыка Магерыні адклала візіт у Беларусь
Таксама ў Мінск не прыедуць міністры замежных спраў Польшчы і Літвы.
Вярхоўная прадстаўніца Еўрасаюза па замежных справах і палітыцы бяспекі Федэрыка Магерыні адмяніла свой візіт у Мінск. Гэта пацвердзілі Еўрарадыё ў адным з еўрапейскіх дыпламатычных прадстаўніцтваў у Беларусі.
У сувязі з гэтым у Мінск не паедзе і міністр замежных справаў Літвы Лінас Лінкявічус.
У пятніцу ў Беларусі была запланаваная сустрэча міністраў "Усходняга партнёрства". Аднак напярэдадні з'явіліся звесткі, што ў Мінск не прыедзе міністр замежных справаў Польшчы Яцак Чапутовіч. Пасля гэтага стала вядома і пра адмену іншых візітаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.