Эрык Клэптан ладзіць распродаж сваіх гітар
9 лютага мае адбыцца аўкцыён, на якім будзе выстаўлена вялікая калекцыя гітар і ўзмацняльнікаў Эрыка Клэптана.
Масавы распродаж інструментаў павінен здабыць сродкі для наркалагічнай клінікі, якую Клэптан заснаваў у 1998 годзе.
Напярэдадні распродажу – з 23 па 26 студзеня пройдзе выстава, на якой
можна будзе прыглядзець сабе клэптанаўскую гітару альбо прымочку.
Гэта ўжо не першы распродаж, які ладзіць Клэптан: аналагчныя аўкцыёны
адбыліся ў 1999 і 2004 гадах. Цікава, што на апошнім з іх за паўмільёна
фунтаў стэрлінгаў была прададзена гітара Blackie, якую Клэптан сабраў
асабіста з трох інструментаў і якую не выпускаў з рук з 1970 па 1985
год.
Апроч клэптанаўскіх, на аўкцыён будуць выстаўлены гітары Джэфа Бэка, Джыджы Кейла і Джо Бонамасы.
Фота: www.guitars.ru
