Дулуб: Мы паглядзелі магчымыя сыходы з БАТЭ

Свае першыя крокі на пасадзе галоўнага трэнера БАТЭ Алег Дулуб ужо зрабіў. Пра гэта ён паведаміў на прэс-канферэнцыі 8 студзеня. 

"Мы адсканавалі склад, які ёсць, і паглядзелі магчымыя сыходы", — патлумачыў спецыяліст. Па яго словах, гэта неабходна для ацэнкі патэнцыялу каманды. 

Як паведамлялася раней, Алег Дулуб быў прызначаны галоўным трэнерам барысаўскага футбольнага клуба ўвечары 5 студзеня. Ён замяніў на гэтай пасадзе Аляксандра Ермаковіча.

Дулуб паведаміў, што 4 студзеня ён прыляцеў з ЗША і ўвесь дзень 5 студзеня ішлі перамовы. Кантракт з ім быў падпісаны ў 20.30.