Для беларускіх касманаўтак арганізавалі трэніроўкі ў бязважкасці
![Трэніроўка беларускіх касманаўтак](/sites/default/files/styles/gallery_main/public/2023-10/kosmos0_17_10.jpg.webp?itok=_hv-JvN_)
Трэніроўка беларускіх касманаўтак / @roscosmos_gk
Прадстаўніцы Беларусі, уключаныя ў асноўны і дублюючы экіпажы чарговай экспедыцыі на МКС, патрэніраваліся знаходзіцца ў бязважкасці. У Марыны Васілеўскай і Анастасіі Ленкавай былі два цыклы трэніровак, расказалі ў Раскосмасе. Заняткі праходзілі на самалёце-лабараторыі Іл-76МДК.
"Першы палёт быў азнаямленчы — арганізму патрэбны час, каб адаптавацца да бязважкасці, якая доўжыцца крыху больш за 20 секунд, і да перагрузак у дзве адзінкі", — адзначылі ў "Раскосмасе". У стане бязважкасці трэба было рухацца ўздоўж самалёта і ад борта да борта, перадаваць грузы, адпрацаваць навыкі арыентацыі цела ў прасторы. На наступнай трэніроўцы заданні ўскладніліся. Дадаткова трэба было апранаць скафандр, рухацца ў ім і перамяшчаць грузы.
Паводле інструктараў, прадстаўніцы Беларусі даволі хутка адаптаваліся і прадэманстравалі добрую арыентацыю ў безапорнай прасторы.
Першапачаткова планавалася, што беларуская касманаўтка паляціць у космас восенню 2023 года. Але пазней праз няспраўную сістэму астуджэння на арбітальнай станцыі палёт адклалі на паўгода.
![Тренировки космонавтов](/sites/default/files/styles/default_image_paragraph/public/paragraphs/image/kosmos_17_10.jpg.webp?itok=z8L8-wk5)
![Першыя касманаўткі Беларусі](/sites/default/files/styles/default_image_paragraph/public/paragraphs/image/kosmos1_17_10.jpg.webp?itok=gD5Ucjdo)
![Трэніроўкі касманаўтак з Беларусі](/sites/default/files/styles/default_image_paragraph/public/paragraphs/image/kosmos2_17_10.jpg.webp?itok=yOTdavqp)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.