"Дачка" кампаніі Visa аб'явіла пра абмежаванне пераводаў у Беларусь
Яшчэ адно абмежаванне для Беларусі / pymnts.com
"Дачка" кампаніі Visa аб'явіла пра абмежаванне пераводаў у Беларусь. Currencycloud тлумачыць рашэнне абноўленай "палітыкай барацьбы з адмываннем грошай і патрабаваннямі праверкі санкцый". Адзначаецца, што платформа "вельмі сур'ёзна ставіцца да сваіх абавязкаў", таму вымушаная адмовіцца ад пераводаў у РБ.
У "чорным спісе" краін, адключаных ад платформы, прысутнічаюць таксама Расія, Паўночная Карэя, Іран, Куба, Лівія, Судан і Паўночны Судан, Сірыя, Казахстан, Венесуэла і акупаваныя расіянамі ўкраінскія рэгіёны.
Currencycloud прадастаўляе банкам і кампаніям паслугі па абмене валюты для трансгранічных плацяжоў.
