Ціханоўская: "Вас палохаюць апазіцыяй. Але ў Беларусі няма апазіцыі"

"Вас палохаюць апазіцыяй. Але ў Беларусі няма апазіцыі", — заявіла Святлана Ціханоўская ў сваім тэлевыступе ўвечары 28 ліпеня. На яе думку, у Беларусі ёсць не апазіцыя, а разумныя, адукаваныя людзі, якіх не пускаюць да ўдзелу ў кіраўніцтве краіны.

Кіраўніка дзяржавы яна параўнала з п'яным дырэктарам школы, які нацкоўвае міліцыю на тых, хто хоча яго памяняць. 

"Выбары 9 жніўня не будуць вольнымі і сумленнымі", — падкрэсліла кандыдатка ў прэзідэнты. Яна нагадала, што ўлады не зарэгістравалі ні Сяргея Ціханоўскага, ні Віктара Бабарыку, ні Валерыя Цапкалу. Таму Ціханоўская заявіла, што яе мэта — правесці новыя сумленныя выбары пасля 9 жніўня. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.