Ціханоўская ў Нідэрландах сустрэлася з прэзідэнтам Малдовы

У Нідэрландах сустрэліся Святлана Ціханоўская і прэзідэнт Малдовы Мая Санду. Яны абмеркавалі сітуацыю ў сваіх краінах, ва Украіне, гаварылі пра будучае супрацоўніцтва. Ціханоўская спадзяецца, што "гэтая сустрэча адкрые новую главу ў дачыненнях паміж свабоднай Беларуссю і Малдовай".

Святлана Ціханоўская прызналася, што захапляецца "мужнасцю і лідарствам" Санду. Прэзідэнт Малдовы прадстаўляе праеўрапейскія сілы і бачыць будучыню сваёй краіны ў аб'яднанай Еўропе. Мая Санду напісала ў Twitter пра сустрэчу з беларускім палітыкам, адзначыла прыхільнасць дэмакратыі, свабодзе і павазе правоў чалавека ў Беларусі.

Святлана Ціханоўская ўдзельнічае з працы кангрэса Еўрапейскай народнай партыі ў Ротэрдаме.

На круглым стале, прысвечаным Беларусі, Ціханоўская заклікала "раздзяляць беларускі народ і рэжым Лукашэнкі", паскорыць распрацоўку і прыняцце "плана Маршала" для правядзення хуткіх рэформаў у нашай краіне пасля змены ўлады.