Ці выжыве беларуская літаратура без ПЭН-цэнтра?

9 жніўня рашэннем беларускага Вярхоўнага суда ліквідаваны Беларускі ПЭН-цэнтр. На 32-м годзе ягонага існавання. Арганізацыю, заснавальнікамі якой былі народныя пісьменнікі Алесь Адамовіч і Васіль Быкаў, народны паэт Рыгор Барадулін. І якую апошні час узначальвала нобелеўская лаўрэатка Святлана Алексіевіч.

Што для Беларускага ПЭН-цэнтра азначае рашэнне пра ліквідацыю? Як гэта сітуацыя паўплывае на беларускую літаратуру? Што прынятае рашэнне гаворыць пра беларускі рэжым? Пра гэта ды шмат што іншае размаўляем з намесніцай старшыні беларускага ПЭН-цэнтра Таццянай Нядбай.