Ці стане Нюрнберг знакавым месцам для беларускага рэжыму?
У той час як у Беларусі пашыраецца змаганне з “экстрэмісцкімі” тэлеграм-каналамі і СМІ, распачынаюцца ўсё новыя крымінальныя справы супраць “экстрэмістаў-тэрарыстаў”, апаненты беларускага рэжыму запускаюць працэс прызнання тэрарыстам Аляксандра Лукашэнкі. З гэтай мэтай Народнае антыкрызіснае ўпраўленне ініцыюе прававую канферэнцыю ў… Нюрнбергу.
Якое дачыненне мае Лукашэнка да тэрарызму і пры чым тут універсальная юрысдыкцыя? Ці далёка ад прававой канферэнцыі да міжнароднага трыбунала? На гэтыя ды іншыя пытанні адказвае юрыст, сябра асноўнага складу Каардынацыйнай рады, адказны за пытанні юстыцыі Народнага антыкрызіснага ўпраўлення Міхаіл Кірылюк.
