Вы тут

Чацвёра дзяцей пацярпелі ў ДТЗ пад Салігорскам

sk.gov.by

Салігорскі райаддзел Следчага камітэта высвятляе абставіны ДТЗ, у якім пацярпелі шэсць чалавек, у тым ліку чацвёра дзяцей, інфармуе прэс-служба ведамства.

Інцыдэнт здарыўся 12 чэрвеня. 39-гадовая жыхарка Слуцка на аўтамабілі "Рэно" пры выездзе на галоўную дарогу "Бабруйск — Глуск — Любань" праігнаравала патрабаванні дарожнага знака "Рух без прыпынку забаронены" і ўрэзалася ў грузавы МАЗ.

Пры здарэнні атрымалі траўмы чацвёра непаўналетніх дзяцей, якія сядзелі на заднім сядзенні аўто (васьмі, дзесяці, чатырнаццаці і пятнаццаці гадоў), яны шпіталізаваныя. Кіроўца і яе сваячка таксама дастаўленыя ў лякарню.

Следчы камітэт пачаў крымінальную справу па факце парушэння правілаў дарожнага руху, якое пацягнула па неасцярожнасці прычыненне цяжкіх цялесных пашкоджанняў.