Брытанская амбасада ў Мінску: вызваліце Уладзіміра Мацкевіча!

Брытанская амбасада ў Мінску: вызваліце Уладзіміра Мацкевіча!

Брытанская амбасада ў Мінску выступіла ў падтрымку палітвязня Уладзіміра Мацкевіча, які другі дзень трымае сухую галадоўку.

"Асноўныя свабоды павінны паважацца і выконвацца. Вызваліце Уладзіміра!"заяўляюць брытанскія дыпламаты.

Яны нагадваюць, што ў Беларусі ўжо 1061 палітвязень, а з лета 2020-га была несправядліва арыштаваныя дзясяткі тысяч чалавек. "Усе несправядліва пазбаўленыя свабоды, усе, каго пераследуюць за ажыццяўленне сваіх правоў, павінны быць неадкладна і безумоўна вызваленыя, а іх правы цалкам адноўленыя".

Філосаф і метадолаг Уладзімір Мацкевіч затрыманы паўгода таму па абвінавачанні ў падрыхтоўцы і ўдзеле ў дзеннях, якія груба парушаюць грамадскі парадак. Ён патрабуе адпусціць яго пад падпіску аб нявыездзе, завяршыць расследаванне і прызначыць дату суда. 11 дзён ён трымаў простую галадоўку, а цяпер другія суткі трымае сухую. 

Вядома, што за час галадоўкі Мацкевіч страціў 7 кг вагі, ён кепска пачуваецца. Тым не менш да яго не пусцілі доктара не з турэмнага персаналу і пастара.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі