Брату заснавальніка EPAM прысудзілі 6,5 гадоў калоніі

Вынесены прысуд па справе брата заснавальніка EPAM Сямёна Добкіна. Яму прысудзілі 6,5 гадоў калоніі строгага рэжыму. Пра гэта стала вядома "Нашай Ніве". 76-гадовы Сямён Добкін узначальваў кампанію ГКСБ, якая з'яўляецца найбуйнейшай цеплатэхнічнай кампаніяй на тэрыторыі Беларусі. Разам з ім судзілі яго намесніка Юрыя Жулаева. Абодвух абвінавацілі ў атрыманні хабару. Жулаеву таксама прысудзілі 6,5 гадоў калоніі. 

Кампанія ГСКБ выпускае воданагравальныя і паравыя катлы, гарэлкі, утылізатары, блокава-модульныя кацельні і іншае інжынернае абсталяванне для жыллёва-камунальных гаспадарак і будаўніцтва. Абсталяванне кампаніі выкарыстоўваецца на курорце "Сілічы", у Нацыянальнай бібліятэцы і іншых буйных аб'ектах. Брат Сямёна Добкіна — Аркадзь — з'яўляецца заснавальнікам буйной IT-кампаніі EPAM. Аркадзь жыве ў ЗША, і ён не вяртаўся ў Беларусь з таго часу, як Лукашэнка назваў яго "драбкіным" і абвінаваціў у фінансаванні пратэстаў.