Беспілотнік атакаваў хімічны завод у Бранскай вобласці Расіі
![Аб'екты ў Расіі былі атакаваныя беспілотнікамі самалётнага тыпу, ілюстрацыйнае фота](/sites/default/files/styles/gallery_main/public/2023-11/ukr0_14_11.jpg.webp?itok=aiKV0UDW)
Аб'екты ў Расіі былі атакаваныя беспілотнікамі самалётнага тыпу, ілюстрацыйнае фота / bbc.com
Мінабароны Расіі паведамляе пра чатыры ўкраінскія беспілотнікі, якія мінулай ноччу спрабавалі "здзейсніць тэрарыстычную атаку" па аб'ектах на тэрыторыі Расіі. Дроны былі знішчаныя над тэрыторыяй Маскоўскай, Тамбоўскай, Бранскай і Арлоўскай абласцей. Падрабязнасці інцыдэнту ў Бранскай вобласці паведамляе рэсурс Baza. Тут каля цэха Бранскага хімічнага завода імя 50-годдзя СССР, які будаваўся, быў "знойдзены неразарваны беспілотнік самалётнага тыпу з выбуховым рэчывам". Пры гэтым "дах цэха быў прабіты ў трох месцах".
А ўкраінскі рэсурс УНІАН публікуе відэа беспілотніка ў палёце і сцвярджае, што гэта робат, які ляціць у бок горада Каломна ў Маскоўскай вобласці. "Кажуць, што раніцай там нешта бабахала ў раёне "КБ Машынабудаванне", адзначае ўкраінскае інфармагенцтва. Гэтае КБ з'яўляецца адным з вядучых расійскіх канструктарскіх і навукова-вытворчых цэнтраў у галіне ваеннай тэхнікі. Тут распрацоўваліся, сярод іншага, аператыўна-тактычныя ракетныя комплексы "Ака", "Кропка-У", "Іскандэр", Іскандэр-М", "Іскандэр-Э".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.