Беларусы Хацкевіч і Залеўскі пакінулі польскі клуб "Заглэмбе"
Міхаіл Залеўскі і Аляксандр Хацкевіч / Agencja Wyborcza.pl
Беларусы Аляксандр Хацкевіч і Міхаіл Залеўскі пакінулі польскі футбольны клуб "Заглэмбе" з Сасноўца (Д2). Іх кантракты скасаваныя па пагадненні бакоў, піша "Трыбуна".
Яны пачалі працаваць з аўтсайдэрам у студзені 2024-га. Хацкевіч быў галоўным трэнерам, а Залеўскі — спартыўным дырэктарам. Выправіць сітуацыю хутка не атрымалася. А нядаўна на трэніроўцы на Аляксандра Хацкевіча напалі фанаты каманды.
Хацкевіч — былы галоўны трэнер нацыянальнай зборнай Беларусі, кіеўскага "Дынама". Ён, як і экс-гендырэктар ФК БАТЭ Міхаіл Залеўскі, пасля падзей 2020-га далучыўся да свабодных спартсменаў Беларусі.
