Вы тут

Беларускія паралімпійцы не змаглі вылецець у Пекін

Алег Шэпель / СТБ

Беларускія паралімпійцы не змаглі вылецець у Пекін для ўдзелу ў Паралімпіядзе. Пасля ўрачыстых праводзінаў яны замест аэрапорта вярнуліся ў спорткомплекс "Раўбічы".

У каментары Sputnik старшыня Паралімпійскага камітэта Алег Шэпель патлумачыў, што цяжкасці ўзніклі праз адмену палётаў над паветранай прасторай Украіны. Гэтая мера была ўведзеная Украінай пасля пачатку расійскай агрэсіі.

Беларускія паралімпійцы планавалі ляцець у Пекін праз Стамбул. Цяпер разглядаецца варыянт даехаць на аўтобусе да Масквы і ўжо адтуль ляцець у Кітай. Папярэдняй датай выезду называюць 27 лютага.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.