Беларускія баскетбалісткі рызыкуюць не трапіць на чэмпіянат Еўропы
Жаночая зборная Беларусі па баскетболе можа не трапіць на чэмпіянат Еўропы-2017. 19 лістапада каманда згуляла на выездзе ў кваліфікацыйным матчы з бельгійкамі і пацярпела паразу — 61:67.
Пакуль што беларускі займаюць першае месца ў групе G і маюць 6 ачкоў. У Бельгіі 5 ачкоў, у Польшчы — 4. У фінальную частку турніру трапяць пераможцы дзевяці адборачных груп і шэсць найлепшых другіх каманд.
У апошнім матчы 23 лістапада Польшча згуляе з Бельгіяй.
