Беларускі дызайнер атрымаў прыз за найлепшую ўпакоўку для піцы
Піца, фота ілюстрацыйнае / pixabay
Беларускі дызайнер і ілюстратар Аляксей Лімонаў атрымаў залатую ўзнагароду на прэстыжным конкурсе дызайну Pentawards. Сёлета ён ладзіўся ў Лондане.
Так высока журы ацаніла дызайн скрынкі для піцы “Eazzy Pizzy”.
Паглядзець гэтую публікацыю ў Instagram
“Гэта ўжо чацвёртая наша ўзнагарода за гэты праект! Асабіста для мяне гэта вельмі вялікае дасягненне ў маёй прафесійнай дзейнасці. Цяпер у мяне ўжо 26 узнагарод, але гэтая — асаблівая!" — падзяліўся Лімонаў у сваім Instagram-акаўнце.
Крэатыўны дырэктар гэтай працы — Яўген Высата.
Дарэчы, Лімонаў — той самы дызайнер, які нядаўна прыдумаў крэатыўную ідэю для... цюкоў з саломай на беларускіх палях! Ён прапанаваў ператварыць іх у банкі згушчонкі і нават зефіркі Haribo. Як вам ідэя?
