Беларусь выдала ў РФ мужчыну, якога там абвінавачваюць у фінансаванні тэрарызму

Экстрадаванага мужчыну абвінавачваюць у фінансаванні тэрарызму / фота носіць ілюстрацыйны характар
Экстрадаванага мужчыну абвінавачваюць у фінансаванні тэрарызму / фота носіць ілюстрацыйны характар

Беларусь выдала Расіі грамадзяніна, якога там шукалі па абвінавачванні ў фінансаванні тэрарызму. Мужчыну затрымалі супрацоўнікі Гомельскага РАУС, расказалі ў Генеральнай пракуратуры Беларусі.

Было прынятае рашэнне аб заключэнні яго пад варту. А затым Генпракуратура Беларусі з аглядкай на Канвенцыю дзяржаў — удзельніц СНД аб прававой дапамозе і прававых адносінах прыняла рашэнне аб выдачы мужчыны ў Расійскую Федэрацыю.

Яго крымінальную справу расследуе рэгіянальнае ўпраўленне Следчага камітэта па Дагестане. Па версіі следства, абвінавачаны ў верасні 2018 года ў Хасавюрце перадаў знаёмаму грошы, якія меркавалася перавесці міжнароднай тэрарыстычнай арганізацыі "Ісламская дзяржава" для пакупкі зброі і абмундзіравання.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі