Беларусь уводзіць ліцэнзаванне на вываз за мяжу цыбулі і яблыкаў
Раман Галоўчанка правярае ўмовы захоўвання гародніны: Такая цыбуля патрэбна самім! / БЕЛТА
Беларусь уводзіць ліцэнзаванне на вываз за мяжу цыбулі і яблыкаў. Адпаведную пастанову падпісаў прэм'ер-міністр Раман Галоўчанка. Урадавая прэс-служба адзначае, што ліцэнзаванне ўведзена "у мэтах абароны ўнутранага рынку".
Новаўвядзенне будзе дзейнічаць да 30 красавіка 2023 года.
Прэм'ер падпісаў згаданую пастанову пасля нарады, прысвечанай рэгуляванню коштаў, якая прайшла ў пятніцу. На ёй Аляксандр Лукашэнка патрабаваў забяспечыць унутраны рынак садавінай і гароднінай.
