Беларус абакраў экс-начальніка крымінальнай паліцыі Кіева

У Кіеве грамадзянін Беларусі абакраў былога начальніка крымінальнай паліцыі ўкраінскай сталіцы Германа Прыступу.

Інцыдэнт здарыўся ў фітнес-клубе пяцізоркавага гатэля Premier Palace, паведамляе сайт ukranews.com.

Падазраваны скраў з шафкі ў распранальні 27 тысяч грыўняў (каля 950 долараў), якія належалі экс-начальніку крымінальнай паліцыі. Зламысніка затрымалі па гарачых слядах. Суд прызначыў яму арышт як меру стрымання.

Герман Прыступа ў 2019-2021 гадах быў намеснікам начальніка Галоўнага ўпраўлення Нацыянальнай паліцыі ў Кіеве — начальнікам крымінальнай паліцыі.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.