Beastie Boys здымаюць працяг кліпа 1987 года
Вакаліст Beastie Boys Адам Яч вырашыў удыхнуць другое жыццё ў ролік 1987 года на песню “(You Gotta) Fight For Your Right (To Party!)”.
Музыка здымае кароткаметражку па матывах гэтага ўжо класічнага відэа, якую плануе прэзентаваць на студзеньскім фэсце ў Сандэнсе.
Фільм “Fight For Your Right Revisited” распавядзе пра “наступствы”
развясёлай вечарынкі з кліпа: матэрыял здымаецца пад слоганам “Пасля
таго, як усё скончылася”. Галоўную ролю ў карціне сыграе Элайджа Вуд.
Таксама ў кадры засвецяцца Дэні Макбрайд, Сэт Раген, Уіл Фэрэл і іншыя.
Нагадаем, вясной Beastie Boys рыхтуюцца прэзентаваць свой новы альбом
“Hot Sauce Committee Part 2”, які стане першым рэлізам каманды за 4
гады.
Фота: www.i-muz.ru
