Байдэн пракаментаваў словы Пуціна пра "брудную бомбу"

Прэзідэнт ЗША Джо Байдэн пракаментаваў выказванні расійскага прэзідэнта Уладзіміра Пуціна аб так званай "бруднай бомбе".

"Калі ў яго няма ніякіх намераў, чаму ён працягвае казаць пра гэта? Чаму ён кажа аб здольнасці прымяніць тактычную ядзерную зброю? Ён быў вельмі небяспечны ў сваім паходзе да гэтага", — сказаў прэзідэнт ЗША. На думку Байдэна, Расія магла б лёгка завяршыць "усё гэта", проста калі б сышла з Украіны.

Пуцін зноў казаў пра "брудную бомбу" напярэдадні — падчас выступу на Валдайскім форуме. З ягоных слоў, у Маскве ведаюць, "дзе прыкладна" гэтая бомба робіцца.

Нагадаем, раней міністр абароны Расіі Сяргей Шайгу тэлефанаваў калегам з заходніх краін, каб абмеркаваць сітуацыю ва Украіне. А ў гэты час РИА Новости паведамляла, што "Кіеўскі рэжым рыхтуе на тэрыторыі сваёй краіны правакацыю, звязаную з падрывам так званай "бруднай бомбы", або маламагутнага ядзернага боепрыпасу". У ЗША, Францыі і Вялікабрытаніі да гэтых слоў паставіліся крытычна. "Свет распазнае любую спробу выкарыстаць гэта зацвярджэнне ў якасці падставы для эскалацыі. Мы таксама не прымаем любую падставу для эскалацыі з боку Расіі", – гаварылася ў сумеснай заяве МЗС гэтых краін. Яна было апублікавана пасля размовы з Шайгу.