Байдэн падоўжыў санкцыі супраць афіцыйнага Мінска
Белы дом / pixabay.com
Санкцыі ЗША супраць беларускіх уладаў падоўжаныя яшчэ на год — да 16 чэрвеня 2024-га. Адпаведнае рашэнне падпісаў прэзідэнт Джо Байдэн.
Санкцыі былі ўведзеныя ў 2006 годзе пасля прэзідэнцкай кампаніі. Прычынай для іх увядзення сталі дзеянні беларускіх уладаў, накіраваныя на падрыў дэмакратычных працэсаў і інстытутаў у краіне.
У жніўні 2021 года ЗША пашырылі санкцыі супраць афіцыйнага Мінска ў сувязі з задушэннем пратэстаў пасля прэзідэнцкіх выбараў 2020 года і прымусовай пасадкай самалёта Ryanair. Тады пад абмежаванні трапіў шэраг прадпрыемстваў, НАК Беларусі, вядомыя бізнесоўцы ды інш.
