Бацькі Пратасевіча хочуць падаць у суд за паклёп з боку дзяржаўных СМІ

Бацькі Рамана Пратасевіча разглядаюць магчымасць падаць у суд за паклёп на яго ў беларускіх дзяржаўных СМІ, паведамляе інфармагенцтва BNS.

Дзмітрый Пратасевіч заявіў, што супраць яго сына ў дзяржаўных СМІ ідзе шырокамаштабная кампанія дэзінфармацыі.

"Яго малююць неанацыстам, экстрэмістам, тэрарыстам, яго называюць па дзяржаўным тэлебачанні. Вядома, я так не пакіну, я пайду ў суд і буду шукаць праўду, каб чалавек, які сказаў гэтыя словы, гэта пацвердзіў", — заявіў бацька блогера.

Наталля Пратасевіч назвала адным з распаўсюднікаў такой інфармацыі прапагандыста Рыгора Азаронка. Яна звярнулася да сусветнай супольнасці з просьбай дапамагчы Раману Пратасевічу, яго дзяўчыне Сафіі Сапезе і ўсім беларускім вязням, якіх катуюць за кратамі.

Рамана Пратасевіча і Сафію Сапегу затрымалі 23 траўня, пасадзіўшы ў мінскім аэрапорце самалёт Ryanair, які ляцеў рэйсам Афіны — Вільня.