Арменія засталася без электрычнасці, людзі панікуюць
Раніцай 2 лістапада большая частка Арменіі была абясточаная на 10-15 хвілін, паведамілі ў Міністэрстве надзвычайных сітуацый рэспублікі.
У МНС заявілі, што адбыўся збой сістэмы энергазабеспячэння. У той жа час у Міністэрстве энергетыкі Арменіі ўдакладнілі, што прычыны адключэння электраэнергіі пакуль высвятляюцца, вядзецца праца па аднаўленні энергазабеспячэння.
У шэрагу адміністрацыйных акругаў Ерэвана і некаторых абласцях падача электрычнасці адноўленая, аднак многія рэгіёны краіны застаюцца абясточанымі. Сярод насельніцтва пануе паніка, піша PanARMENIAN.Net.
