Аляксандр Лукашэнка правядзе ў Мінску перамовы з прэзідэнтам Сербіі
19 лістапада адбудуцца перамовы ў вузкім і пашыраным складзе кіраўніка Беларусі Аляксандра Лукашэнкі і прэзідэнта Сербіі Таміслава Нікаліча, паведамляе БЕЛТА. Акрамя таго, лідары дзвюх краін падпішуць сумесную заяву.
Нікаліч прыбыў у Беларусь з афіцыйным візітам увечары 18 лістапада. Яго візіт працягнецца да 20 лістапада.
Плануецца, што абодва кіраўнікі дзяржаваў наведаюць будаўнічую пляцоўку эксперыментальнага шматфункцыянальнага комплексу "Мінск-Мір". Там яны паўдзельнічаюць у цырымоніі закладкі памятнай капсулы, якая сімвалізуе пачатак яго будаўніцтва. Будаўніцтвам комплекса займаюцца сербскія бізнэсоўцы.
У праграме візіту Нікаліча ў Беларусь таксама значацца Мінскі трактарны завод і музеі гісторыі Вялікай Айчыннай вайны.
Фота: БЕЛТА
