Адвакат Сафіі Сапега ўпершыню сустрэўся з ёй у СІЗА КДБ
![Адвакат Сафіі Сапега ўпершыню сустрэўся з ёй у СІЗА КДБ](/sites/default/files/styles/gallery_main/public/2023-08/ssapieha.png.webp?itok=peL5-qA0)
28 траўня адвакат Сафіі Сапега ўпершыню сустрэўся з ёй у СІЗА КДБ. Аляксандр Філановіч кажа, што "яна выглядае бадзёрай і здаровай". "З яе слоў ніякі фізічны гвалт да яе з моманту затрымання да гэтага часу не ўжываўся, — працягвае ён. — Яна не губляе бадзёрасці духу і спадзяецца на больш хуткае вырашэнне сітуацыі”.
Расіянка Сафія Сапега была затрымана ў мінскім аэрапорце 23 траўня разам з Раманам Пратасевічам. Яны ляцелі на самалёце Ryanair з Грэцыі ў Літву, які пасадзілі ў Беларусі. Тэрмін утрымання Сапега працягнуты на два месяцы. Чакаецца, што на працягу дзесяці дзён ёй выставяць абвінавачванні.
Па даных "Бі-Бі-СІ", Сафію Сапега падазраюць у "парушэнні грамадскага парадку", "масавых беспарадках" а таксама ў "распальванні расавай, нацыянальнай, рэлігійнай альбо іншай сацыяльнай варожасці". Дзяўчыне пагражае да 15 гадоў зняволення. Днямі яе прызналі палітзняволенай.
Партызанскі суд Мінска не задаволіў скаргу адваката на затрыманне грамадзянкі Расіі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.