Адбылася прэм'ера спектакля "Чарнобыльская малітва" па кнізе Алексіевіч

26 красавіка ў Брэсце адбылася прэм'ера
спектакля "Чарнобыльская малітва" па кнізе Святланы Алексіевіч. Спектакль
пастаўлены моладзевым эксперыментальным тэатрам-студыяй "Зеркало" пры
ўдзеле выхаванцаў нядзельнай школы храма "Усіх скрушных Радасць".

Пастаноўка разлічаная ў першую чаргу на
дзяцей і моладзь. Аўтар сцэнічнай рэдакцыі і рэжысёр спектакля Ўладзімір Яшчук свядома
адмовіўся ад свецкай музыкі. Са сцэны гучаць толькі малітвы і спевы манахаў Валаамскага
і Жыровіцкага манастыроў, а таксама духоўная музыка.

Па словах спадара Яшчука, перш чым
пачынаць працу над спектаклем, ён атрымаў блаславенне ад прадстаўнікоў
праваслаўнай царквы.