Ад 30 хвілін да 5 гадзін: Беларуская Чыгунка паведаміла пра затрымку цягнікоў
Аварыя на чыгунцы паад Каўнасам / E. Ovčarenko / BNS
Беларуская чыгунка паведаміла пра затрымку цягнікоў, якія ідуць праз Літву. Спазненні — ад 30 хвілін да 5 гадзін. Гаворка ідзе пра саставы:
№360 Калінінград — Адлер;
№148 Калінінград — Масква;
№147 Масква — Калінінград;
№79 Санкт-Пецярбург — Калінінград;
№29 Масква — Калінінград.
Затрымка звязаная з аварыяй на літоўскай чыгунцы — уначы ў Каўнаскім раёне сыйшлі з рэек лакаматыў і 4 грузавыя вагоны.
“Рух пасажырскіх цягнікоў будзе ажыццяўляцца, часткова замяняючы маршруты перасадкай пасажыраў на аўтобусы”, — гаворыцца ў паведамленні групы LTG для медыяў. І дадаецца, што транзітны рух пасажырскіх цягнікоў на некаторы час будзе поўнасцю спынены.
БЧ паведамляе, што пасажыраў, якія чакаюць свае цягнікі, забяспечваюць вадой і харчаваннем.
