37 краін заклікаюць адхіліць РБ і РФ ад міжнародных спартыўных спаборніцтваў
37 краін заклікаюць адхіліць Беларусь і Расію ад міжнародных спартыўных спаборніцтваў. Гэта пакаранне за ўдзел гэтых краін у агрэсіі супраць Украіны.
Як паведамляе Reuters, у звароце кіраўнікоў спартыўных ведамстваў ЗША, Вялікабрытаніі, Італіі, Японіі і дзясяткаў іншых краін утрымліваецца заклік да ўсіх спартыўных федэрацый не дазваляць РБ і РФ прымаць міжнародныя спаборніцтвы, а іх камандам і спартсменам — удзельнічаць у замежных турнірах. Ім збіраюцца абмежаваць магчымасці для спонсарства. Такія абмежаванні мусяць дзейнічаць да часу з'яўлення магчымасці "для супрацоўніцтва на базе фундаментальных прынцыпаў міжнароднага права".
Прадстаўнікі КНР і Індыі заяву не падпісалі.
Раней шматлікія федэрацыі ўжо зрабілі немагчымым удзел беларускіх спартсменаў у міжнародных спаборніцтвах. Цяпер жа робіцца спроба цалкам накласці санкцыі на беларускі, як і расійскі, спорт.
